1.2.📖ទី១ ៖ ភ្នំបាយ៉ង់កោរនៅខេត្តតាកែវ

វត្តមាន (៥ពិន្ទុ)

• វាយបញ្ចូលពាក្យ  យល់ព្រម   ក្នុងប្រអប់ខាងក្រោមនេះ ដើម្បីបញ្ជាក់ វត្តមាន របស់អ្នក ។
• ចុចប៊ូតុង  Next  ដើម្បីចាប់ផ្ដើម ការសិក្សាមេរៀននេះ !

សិក្សាពាក្យគន្លឹះ

ចូរអ្នកអូសពាក្យទៅទម្លាក់ក្នុងប្រអប់ឲ្យត្រូវនឹងអត្ថន័យរបស់វា។

អំណានទី១ ៖ ភ្នំបាយ៉ង់កោរនៅខេត្តតាកែវ

២- អភិវឌ្ឍន៍បំណិន

នៅពេលអ្នកអានអត្ថបទនេះ​ អ្នកត្រូវយកចិត្តទុកដាក់កត់ចំណាំសេចក្ដីលំអិតសំខាន់ៗដើម្បីត្រៀមឆ្លើយទៅនឹងសំណួរទាក់ទងកាលអាកាស​ លក្ខណតថៈនៃរឿងនិងខ្លឹមសារអត្ថបទ​ ។

៣- អត្ថបទ

          ក្នុងសម័យព្រេងនាយ​ នៅប្រទេសខ្មែរ​មានស្ដេចមួយព្រះអង្គព្រះនាមព្រះបាទបាយ៉ង់មាន​ ព្រះដំណាក់នៅភ្នំដងរែកមានអគ្គមហេសីល្អណាស់ព្រះនាមព្រះនាងសក់ក្រអូប។ ព្រះនាងប្រកបដោយរូបឆោមនិងព្រះភក្ត្រ​ល្អប្រិមប្រិយ​ សម្បុរភ្លឺថ្លាដូច​ នាងទេពធីតា​ ក្លិនក្រអូបសាយចេញជុំវិញព្រះកាយមួយយោជន៍​ ល្បីកិត្តិយសសុសសាយទៅដល់ព្រះបាទសៀម​ ។ ព្រះចៅសៀមក៏ចាត់ឲ្យមនុស្សមកស៊ើបអង្កេតបានដឹងពិតថាព្រះនាងល្អឆេីតមែន​ ដាច់ស្រីទាំងឡាយជាស្រីបរិបូណ៌ដោយលក្ខណៈគ្រប់យ៉ាង។

 ​            ស្ដេចសៀមរកឧបាយកលចូលមកចាប់ព្រះនាងយកទៅ​ដើម្បីជាកិត្តិយសប្រទេសខ្លួន។ ស្ដេចបាយ៉ង់កោរទ្រង់ជ្រាបការដូច្នេះ​ ក៏នាំព្រះអគ្គមហេសី​ ពួកស្រីស្នំក្រមការ​ និងពោលសេនាទាំងឡាយចុះសំពៅភៀសព្រះអង្គរត់ចេញចោលព្រះដំណាក់ទាំងវេលាយប់​ ដោយបើកសំពៅសំដៅ​ទៅទិសអាគ្នេយ៍​។​ មុននឹងស្ដេចយាងចេញទ្រង់លើកព្រះហស្ដប្រណម្យដាក់លើព្រះសិរសាសច្ចាបន់ស្រន់ទេវតារក្សាទឹកថា​ សូមឲ្យបានសម្រេចសេចក្ដីប្រាថ្នា​៣ប្រការគឺ ​ ៖

           ១​ .​ សូមឲ្យបានសេចក្ដីសុខក្នុងដំណើរផ្លូវសាគរ​ ​ 

           ២​ .​ សូមកុំឲ្យពួកសៀមតាមទាន់ ​ 

           ៣​ .​ សូមឲ្យជួបប្រទះកន្លែងជាទីគាប់ចិត្ត ​ 

           បើបានសម្រេចដូចបំណងនឹងកោរព្រះកេសាថ្វាយ​ ។ ស្ដេចទ្រង់ព្រួយព្រះទ័យជាខ្លាំង​ ទ្រង់បើកសំពៅទាំងយប់ទាំងថ្ងៃគ្មានឈប់ឈរ​ ។ លុះទ្រង់ប្រមើលមើលឃើញថាចេញមកបានឆ្ងាយណាស់ហើយទើបទ្រង់ងាករេទៅរកតំបន់មួយដើម្បីចតសំពៅ​ ។ ខណៈនោះ​ ខ្យល់ព្យុះមកដល់បានបក់បោកសំពៅឲ្យវិលវល់ចង្កូត​ ទើបទីត្រង់នោះមានឈ្មោះថា​ ភូមិបាក់ចង្កូត​ ជាប់មក​ តែសព្វថ្ងៃគេហៅក្លាយជា​ ភូមិបាក់កូត​ ។ ស្ដេចទ្រង់ភ័យហើយលោកព្រះហស្តអំពាវនាវ​ «​ ឲ្យបាត់ខ្យល់ព្យុះទ្រង់នឹងសូមសែនថ្វាយដល់ពួកអារក្សទាំងឡាយ​ »​ ។ គ្រានោះខ្យល់ព្យុះក៏សាបសូន្យអស់​ សំពៅទៅបានបន្តិចទៀតឈប់បោះយុថ្កាចត​ ទើបទីនោះមានឈ្មោះថា​ កន្លែងចត​ ជាប់មក​ តែសព្វថ្ងៃនេះគេហៅថា​ ភូមិកន្លែងចត​ ហើយហៅក្លាយជា​ ភូមិចត​ ។ ការឈប់ចតនេះដើម្បីរៀបចំចំណីអាហារ​ សែនព្រេនថ្វាយអារក្សទឹកនិងធ្វើចង្កូតសំពៅជាថ្មី​ ។ ត្រង់តំបន់ដែលថ្វាយអាហារនោះ​ បានឈ្មោះជាប់មកដល់សព្វថ្ងៃថា​ ភូមិសែនបន់​ ។ ទាំងបីកន្លែងនេះស្ថិតនៅក្នុងភូមិលាយបូរ​ ស្រុកត្រាំកក់​ ខេត្តតាកែវ​ ។

            ​ លុះសម្រេចកិច្ចនៅកន្លែងនេះសព្វគ្រប់ឲ្យទ្រង់ក៏ចេញសំពៅទៅទៀតសំដៅទៅទិស​អគ្នេយ៍ដដែល​ ។ នោះដល់កន្លែងមួយសំពៅធ្លាយ​ ទ្រង់ក៏ចាប់ធើ្វសំពៅបណ្ដើរបើកទៅបណ្ដើរ​ ។ ត្រង់កន្លែងនោះជាប់ឈ្មោះរហូតមកដល់សព្វថ្ងៃថា​ សំពៅធ្លាយ​ ។ សំពៅបើកបន្តិចទៀតទៅដល់កន្លែងមួយឃើញមានស្បូវដុះជាច្រើនក៏​ បោចស្បូវនោះមកចុកសំពៅដែលធ្លាយ​ ។ ត្រង់កន្លែងនោះជាប់ឈ្មោះមកដល់សព្វថ្ងៃថា​ ភូមិព្រែកស្បូវ​ ហើយបើកសំពៅធ្វើដំណើរទៅទៀតដល់កន្លែងមួយទៀត​ ព្រះនាងសក់ក្រអូបទ្រង់កើតទុក្ខព្រួយព្រះហឫទ័យច្រើនប្រការ ណាមួយព្រួយអំពីសំពៅដែលចេះតែទៅរកទិស​ សំណាក់មិនឃើញ​ ណាមួយព្រួយអំពីពួកសៀមថាមុខជាគេនឹងតាមមកដល់មិនខាន។ ព្រះនាងទ្រង់អុជទៀននមស្កាបន់ស្រន់ដល់អារក្សទឹក​ អារក្សគោក​ អ្នកតាព្រៃភ្នំក្រំថ្ម​ សព្វទីកន្លែងថា​ សូមឲ្យបានបានជួបនឹងទីសុខប្រសើរ​ សូមឱ្យចោរសៀមចិត្តអប្រិយបរាជ័យវិនាសក្នុងសាគរ​ ។ ត្រង់កន្លែងដែលព្រះនាងអុចទៀនបន់នោះ​ នៅជាប់ឈ្មោះរហូតមកដល់សព្វថ្ងៃថា​ ភូមិអន្លង់ទៀន​ ។

            ​ ពិធីនមស្កាអំពាវនាវរបស់ព្រះនាងនោះ​ បានសម្រេចដូចសេចក្តីប្រាថ្នាមែន​ គឺសំពៅស្ដេចសៀមបាកដែលបានបញ្ចូនពលចំនួនមួយសែននាក់​ ឲ្យចេញទៅតាមស្កាត់រកប្រេននាងនោះ​ ជ្រួសផ្លូវគ្នាដោយសំពៅស្ដេចបាយ៉ង់​ ចេញផ្លូវក្រោមផ្នែកខាងកើត​ សំពៅសៀមចេញលើផ្នែកខាងលិច​ ។ ក្រោយពេលដែលព្រះនាងបន់ស្រន់រួចហើយសំពៅស្ដេចបាយ៉ងក៏ងាកសំដៅទៅទិសនិរតីបន្តិច។ បន្ទាប់ពីនោះស្រាប់តែមានខ្យល់ព្យុះយ៉ាងសម្បើមអស្ចារ្យបក់បោកសំពៅសៀមខ្ទេចខ្ទីលិចលង់ងាប់អស់ពួកពលដែលនៅក្នុងមហាសាគរ​។ ត្រង់កន្លែងនោះមានឈ្មោះថា​ ភូមិសែនលង់​ ជាប់មកតែសព្វថ្ងៃគេហៅក្លាយមកជា​ ភូមិសន្លុង​ វិញ​ ។

            ​ ចំណែកសំពៅស្ដេចបាយ៉ង់​ កាលបើបើកលឿនត្រង់ទៅទិសនិរតី​ ស្ដេចទតឃើញកោះមួយនិងភ្នំច្រើនត្រៀតត្រា​ ព្រះអង្គក៏ចូលទៅបោះយុថ្កាចតសំពៅនៅក្បែរកោះមួយ​ ស្ដេចយាងឡើងទៅលើកោះនោះដើម្បីរកកន្លែងគួរសមនឹងជ្រក​ ។ ព្រះអង្គបានទតឃើញកន្លែងដ៏ល្អៗជាច្រើនប៉ុន្តែមិនសូវគាប់ព្រះទ័យក៏ឲ្យពួកពលជញ្ជូនអីវ៉ាន់ចេញពីសំពៅ​ នាំព្រះអគ្គមហេសីយាងចូលទៅក្នុងព្រៃច្រកបុព្វតាហើយចតសំពៅនៅត្រង់កន្លែងនោះ​ ។ គ្រាន់តែស្ដេចយាងចេញផុតភ្លាមមហាមេឃក៏ងងឹតបណ្ដាលឱ្យទៅជាមានភ្លៀងផ្គរយ៉ាងខ្លាំង​ ។​ ក្រោយពីស្ដេច​ និងព្រះនាង​ ព្រមទាំងព្រះបរិពារឡើងគោក​ ហើយ​ ស្រាប់តែរន្ទះបាញ់សំពៅក្រឡាប់លិចលង់​ នៅកំពង់នោះ ។ ត្រង់កន្លែងនោះជាប់ឈ្មោះថា​ ភ្នំរន្ទះ​ រហូតមកដល់សព្វថ្ងៃ​ ។

            ​ បន្ទាប់ពីស្ដេចបាយ៉ង់ចេះតែខិតខំស្វែងរកទីភូមិឋានដើម្បីបានសង់ព្រះរាជដំណាក់​ស្នាក់​អាស្រ័យ ​។​ គ្រានោះទ្រង់បានជួបនឹងទីទួលមួយខ្ពស់ល្អ​ គួរជាទីរីករាយក្រៃពេក​ ទ្រង់ក៏ធ្វើព្រះពន្លាបណ្ដោះអាសន្ននៅទីនោះ​ ។ លុះស្ដេចបានស្នាក់អាស្រ័យបានស្រួលបួសហើយ​ ទ្រង់ក៏សំណេះសំណាលជាមួយនឹងព្រះអគ្គមហាសីអំពី​ សេចក្តីកម្សត់​ ទុក្ខវេទនារបស់ព្រះអង្គនិងព្រះនាងតាំងពីដើមទីមក​ ។ ព្រះនាងទ្រង់រំឭកព្រះរាជាពីរឿងដែលទ្រង់បន់ថា​ ” នឹងដាក់ព្រះកេសា​ (កោសក់)​ ថ្វាយអារក្សទឹកនោះ​ពេលនោះព្រះអង្គត្រូវដាក់កេសាលាបំណន់​ “​ ។ព្រះរាជាក៏ចាត់ពិធីដាក់ព្រះកេសាលាបំណន់ក្នុងវេលានោះឯង​ ព្រោះស្ដេចបាយ៉ង់ទ្រង់បន់កោរ​ ហើយទ្រង់កោរព្រះកេសថ្វាយអារក្សទឹកលាបំណន់ដូច្នេះ​ បានជាជាប់ព្រះនាមថាស្ដេចបាយ៉ង់កោរ​ ហើយនិងដីទួលខ្ពស់ដែលទ្រង់ធ្វើព្រះពន្លាជាប់ឈ្មោះថា​ ភ្នំបាយ៉ង់កោរ​ រហូតដល់សព្វថ្ងៃនេះ​ ។[…]​ 

(ដកស្រង់និងកែសម្រួលពីរឿងភ្នំបាយ៉ង់កោរ ប្រជុំរឿងព្រេងខ្មែរ ភាគទី៥)

សំណួរត្រិះរិះ

១- ហេតុអ្វីបានជាព្រះបាទបាយ៉ង់កោរត់ភាសខ្លួន​ ពីព្រះរាជដំណាក់នៅភ្នំដងរែក​ ? មុន​នឹងភៀស​ខ្លួនតើព្រះអង្គបាបន់ស្រន់ទេវតាអារក្សដូចម្ដេចខ្លះ​ ?

២- នៅពេលខ្លួនតើព្រះនាងសក់ក្រអូបបានបន់ស្រន់​អារក្សទឹក​ អារក្សគោក​ និង​អ្នកតាព្រៃភ្នំដូចម្ដេចខ្លះ?តើការបន់ស្រន់មានប្រសិទ្ធភាពដូចម្ដេចដែរ?

៣- តាមរយៈដំណើររឿងនេះ តើមានលក្ខណៈសម្គាល់អ្វីខ្លះ បង្ហាញពីប្រវត្តិទឹកដីខ្មែរយើង?

៤- ហេតុអ្វីបានជាព្រះរាជាប្ដូរព្រះនាម​ទៅព្រះបាទបាយ៉ង់កោរ?

៥- ចូរបង្ហាញពីកាលអាកាសរបស់រឿង​នេះ​ ។

៦- តើបាតុភូតធម្មជាតិដែលកើតឡើងនៅលើផែនដី បណ្ដាលមកពីអ្វី?

៧- តើអ្នកមានវិធានការអ្វីខ្លះ ដើម្បីកាត់បន្ថយការប្រែប្រួលអាកាសធាតុ?

សំណួរ

១- ហេតុអ្វីបានជាព្រះបាទបាយ៉ង់រត់ភៀសខ្លួន​ ពីព្រះរាជដំណាក់នៅភ្នំដងរែក​ ?  មុន​នឹងភៀស​ខ្លួន តើព្រះអង្គបានបន់ស្រន់ទេវតាអារក្សដូចម្ដេចខ្លះ​ ? (៣ពិន្ទុ)

សំណួរ

២- នៅពេលខ្លួន តើព្រះនាងសក់ក្រអូបបានបន់ស្រន់​អារក្សទឹក​ អារក្សគោក​ និង​អ្នកតាព្រៃភ្នំដូចម្ដេចខ្លះ?  តើការបន់ស្រន់មានប្រសិទ្ធភាពដូចម្ដេចដែរ? (៣ពិន្ទុ)

សំណួរ

៣- តាមរយៈដំណើររឿងនេះ តើមានលក្ខណៈសម្គាល់អ្វីខ្លះ បង្ហាញពីប្រវត្តិទឹកដីខ្មែរយើង? (៣ពិន្ទុ)

សំណួរ

៤- ហេតុអ្វីបានជាព្រះរាជាប្ដូរព្រះនាម​ទៅព្រះបាទបាយ៉ង់កោរ?  (៣ពិន្ទុ)

សំណួរ

៥- ចូរបង្ហាញពីកាលអាកាសរបស់រឿង​នេះ​ ។ (៣ពិន្ទុ)

សំណួរ

៦- តើបាតុភូតធម្មជាតិដែលកើតឡើងនៅលើផែនដី បណ្ដាលមកពីអ្វី? (៥ពិន្ទុ)

សំណួរ

៧- តើអ្នកមានវិធានការអ្វីខ្លះដើម្បីកាត់បន្ថយការប្រែប្រួលអាកាសធាតុ? (៥ពិន្ទុ)

តើឃ្លាណាខ្លះបញ្ជាក់ពីការបន់ស្រន់ទេវតា អារក្សទឹក របស់ព្រះបាទបាយ៉ង់នៅពេលរត់ភៀសខ្លួន ? (៣ពិន្ទុ)

ចូរអ្នកបំពេញពាក្យដែលបាត់។ (៤ពិន្ទុ)

តើពាក្យណាខ្លះបង្ហាញពីកាលនៃរឿងនេះ? (៣ពិន្ទុ)

តើឈ្មោះទីកន្លែងណាខ្លះដែលជាប់ឈ្មោះក្នុងរឿងនេះ? (៤ពិន្ទុ)

សេចក្ដីថ្លែងការណ៍ ៖

តាមរយៈឈ្មោះភូមិស្រុក និងទីកន្លែងពិតប្រាកដនៃរឿងនេះបញ្ជាក់ថា ប្រទេសកម្ពុជាគឺជាប្រទេសមួយដែលមានវ័យចំណាស់ជាងគេនៅអាស៊ីអាគ្នេយ៍នេះ ។ (២ពិន្ទុ)

ក្នុងរឿងភ្នំបាយ៉ង់កោរ បាតុភូតធម្មជាតិដែលលេចធ្លោជាងគេមានដូចជា ៖ (២ពិន្ទុ)

បាតុភូតធម្មជាតិដែលកើតមានលើផែនដី ដូចជា ការរញ្ជួយដី ព្យុះ ឬការផ្ទុះភ្នំភ្លើង គឺកើតចេញពីការធ្វើការរួមគ្នាដ៏ស្មុគស្មាញ នៃកត្តាជាច្រើនមានដូចជា ៖ (៣ពិន្ទុ)

សេចក្ដីថ្លែងការណ៍

វិធីសាស្ត្រកាត់បន្ថយការប្រែប្រួលអាកាសធាតុ គឺ ធ្វើយ៉ាងណា បញ្ចេញឧស្ម័នផ្ទះកញ្ចក់ឲ្យសូន្យ តាមរយៈការកាត់បន្ថយការបំភាយ និងការបង្កើនការស្រូបយកកាបូន ។  (៣ពិន្ទុ)

រង្វាយតម្លៃផ្ទាល់ខ្លួន

តើអ្នកពេញចិត្តចំពោះមេរៀននេះកម្រិតណា?